Инновацын арван жил, амьдралд ховорхон тохиох боломж

Оюу Толгойн үйл ажиллагааны эхний 10 жилийг тодорхойлоход тусалсан олон онцгой мөчүүд

Сүүлд шинэчилсэн: 2022 оны 3 дугаар сарын 4

Хүлэмжийн хийг багасгахын төлөө тэмцэж буй өнөө үед зэс сэргээгдэх эрчим хүч, тээвэр, харилцаа холбооны салбарт улам чухал материал болж тэр хэрээр зэсийн дэлхий нийтийн эрэлт хэрэгцээ жилээс жилд нэмэгдэж байна.

Монгол улсын Өмнөговийн бүсэд орших Оюу толгой (OT) уурхай нь дэлхийн хамгийн том зэс, алтны орд газрын нэг гэдэг утгаараа энэхүү эрэлтийг хангах нэг чухал нийлүүлэгч болдог.

Оюу толгойн ил уурхай 2011 оны 8 дугаар сард ажиллаж эхэлснээс хойш говь цөлийн энэхүү алслагдмал булан дэлхийн хамгийн орчин үеийн, аюулгүй, тогтвортой ажиллагаатай уурхай болон хөгжиж байна.

Бид сүүлийн арван жилд Оюу толгойд ихээхэн ололт амжилт гаргасан боловч эдгээр онцгой материалыг зөв зүйтэй олборлох, нутгийн ард иргэд, төр засаг, нийлүүлэгч, түншүүдтэй гар нийлэн ажиллаж эерэг өв бүтээхийн тулд хийх зүйл бидэнд их байна.

Бид энэ хугацаанд олж авсан мэдлэгтээ тулгуурлан дэлхийн түвшинд хүрсэн гүний уурхайг энд барьж байгуулж дуусаж байна.

OT уурхай дэлхийн хамгийн том дөрвөн зэсийн уурхайн нэг болох бөгөөд уул уурхайн хамгийн боловсронгуй цогц технологиуд ашиглан газрын гүнд орших зэс, алтны үнэ цэнтэй ордод хүрэх болно.

Оюу толгойн гүний уурхайн үйл ажиллагаа эхэлснээр Монгол Улс хөрөнгө оруулагчидтай тогтвортой хамтран ажиллаж чаддаг, итгэлтэй түнш гэдгээ дэлхий дахинд нотлон харуулж байна.”

- Монгол Улсын Ерөнхий сайд Лувсаннамсрайн Оюун-Эрдэнэ

Дэлхийд зэс үйлдвэрлэлийн салбарт ач холбогдолтой гэдэг үүднээс төдийгүй Монгол улсын хөгжил цэцэглэлтэд тасралтгүй хувь нэмэр оруулж эерэг үнэлгээ авах үүднээс бид шинэ уурхайг нарийн төлөвлөж ирэх олон арван жилийн турш тогтвортой хөрөнгө хэвээр байлгахыг зорьж байна.

Мөн энэхүү арван жилийг амжилттай туулж сэтгэл хөдлөм ирээдүй рүү зорьж буй энэ мөчид бид өнөөг хүртэл ажиллаж ирсэн арга барилаа эргэн харж байгаль орчинд үлдээх ул мөрөө багасгахын зэрэгцээ хамт ажиллаж буй хүмүүстээ эерэг өв үлдээхийг зорин ажиллаж байна.

Хариуцлагатай зэс
Монголд урьд хожид байгуулагдсан аж үйлдвэрийн хамгийн том цогцолбор болох Oюу толгойн зэсийн баяжуулах үйлдвэр 2013 оноос эхлэн олборлосон хүдрээ зэсийн баяжмал болгон боловсруулж байна. Энэ үеэс эхлэн бид зэсээ хариуцлагатай, ёс зүйтэйгээр олборлох арга замуудыг эрэлхийлж ирсэн.
Хариуцлагатай зэс
2020 онд бид “Коппер Марк” шагналыг хүртсэн дэлхийн анхны зэс үйлдвэрлэгч болсон. Энэ нь зэсийн салбарын хариуцлагатай үйлдвэрлэлийн хараат бус үнэлгээний шинэ хөтөлбөр юм. Коппер Марк батламжийн шалгуурыг НҮБ-ын Тогтвортой хөгжлийн зорилтуудын дагуу тогтоосон бөгөөд эрүүл мэнд, аюулгүй ажиллагаа, нүүрстөрөгчийн бага ялгарал, хүний эрх ба орон нутгийн хөгжил зэргийг хамарсан 32 шалгуур үзүүлэлтээр үнэлсэн байна.
Бидэнтэй хамтран ажиллаж буй нутгийн ард иргэдэд хөрөнгө оруулж байна
Бид нутгийн ард иргэдийг дэмжихийн тулд Оюу толгойн уурхайд орон нутгийн иргэдийг ажиллуулах, орон нутгийн бараа, бүтээгдэхүүн худалдан авах, уурхайг орон нутгийн үйлчилгээгээр хангах үүрэг амлалт аваад байна.
Бидэнтэй хамтран ажиллаж буй нутгийн ард иргэдэд хөрөнгө оруулж байна
Оюу толгойн нийт ажиллах хүчний 96%-ийг Монгол иргэд бүрдүүлж байгаа бөгөөд үүний 25% нь Өмнөговь аймгийн иргэд байна.
Бидэнтэй хамтран ажиллаж буй нутгийн ард иргэдэд хөрөнгө оруулж байна
Мөн Oюу толгой компани Монгол ажиллах хүчинд дэмжлэг үзүүлэх, дэвшилтэт технологи нэвтрүүлэх, аюулгүй байдлын үлгэр жишээч соёл төлөвшүүлэхийн тулд олон улсын туршлагатай мэргэжилтнүүдийг татан оролцуулж байна. Өнөөдөр Оюу толгой уурхайд хүнд машин механизмын 50 гаруй эмэгтэй оператор ажиллаж байна.
Бидэнтэй хамтран ажиллаж буй нутгийн ард иргэдэд хөрөнгө оруулж байна
Түүнчлэн Oюу толгойд хэрэгжүүлж буй “Дэлхийн нүүдэлчид” хөтөлбөр нь Монгол ажилчдыг хилийн чанадад ажиллуулж дадлагажуулах зорилготой бөгөөд Оюу толгойн уурхайчид АНУ-ын Кеннекоттын зэсийн уурхай болон Австралийн бусад уурхайд очиж ажиллах боломжтой болоод байна.
- Оюу Толгойн уурхайн Үйл ажиллагаа хариуцсан Ерөнхий менежер Тогтохбаярын
Отгонбаяр.">

Бидэнтэй хамтран ажиллаж буй нутгийн ард иргэдэд хөрөнгө оруулж байна
"Бид өндөр ур чадвар, туршлагатай олон Монголчууд, бусад олон орны мэргэжилтнүүдтэй хамтран ажиллаж өнөөдрийн энэхүү үйл ажиллагааг бий болгож, өндөр түвшний аюулгүй ажиллагааны соёл бий болгож байгаагаараа бахархаж байна."

- Оюу Толгойн уурхайн Үйл ажиллагаа хариуцсан Ерөнхий менежер Тогтохбаярын
Отгонбаяр.
Бидэнтэй хамтран ажиллаж буй нутгийн ард иргэдэд хөрөнгө оруулж байна
Бид орон нутгийн ажил эрхлэлтийг улам нэмэгдүүлэхийн тулд Өмнөговийн ажил хайгчдын мэдээлэл, ур чадварын мэдээллийн санг байгуулж ажилд орохыг хүссэн хүмүүсийг хүний нөөцийн зөвлөгөө, сургалтаар хангахаас гадна манай гэрээт компаниудын зарласан ажлын байрны мэдээллийг онцлон харуулдаг.
Бидэнтэй хамтран ажиллаж буй нутгийн ард иргэдэд хөрөнгө оруулж байна
Оюу толгой компани орон нутгийн нийлүүлэлтийн аюулгүй, тогтвортой сүлжээ бий болгон хөгжүүлэх, хөхиүлэн дэмжихэд чиглэсэн үндэсний ханган нийлүүлэлтийн тусгай бодлого баримталдаг бөгөөд үүний нэг нь дотоодод үйлдвэрлэсэн бараа бүтээгдэхүүнийг нэн тэргүүнд нийлүүлэх “Монголд үйлдвэрлэв” стратеги юм. Мөн Германы Олон улсын хамтын ажиллагааны нийгэмлэг, Өмнөговь аймгийн захиргаатай хамтран орон нутгийн бизнесүүдийн чадавхыг бэхжүүлэх хөтөлбөр хэрэгжүүлдэг бөгөөд эрүүл мэнд, аюулгүй ажиллагаа, бизнесийн ёс зүй, менежмент, санхүүгийн мэдлэг, үр ашигтай үйлдвэрлэл зэрэг сэдвээр сургалт явуулдаг. Оюу толгой компани 2018 оноос хойш нийт 266 багц сургалт явуулж нийт 450 гаруй жижиг, дунд бизнесийн 3,500 гаруй ажилтан хамруулснаас 58 хувь нь эмэгтэйчүүд байлаа.
Бидэнтэй хамтран ажиллаж буй нутгийн ард иргэдэд хөрөнгө оруулж байна
2015 онд байгуулагдсан Говийн оюу хөгжлийг дэмжих сан бол Оюу толгойн амжилтын түүхийн бас нэг хэсэг юм. Тус сангаас нийт 65.3 тэрбум (27 сая ам.доллар) төгрөгийн санхүүжилт олгож эрүүл мэнд, тээвэр, боловсрол, хүнсний үйлдвэрлэл, хөдөө аж ахуй, халаалтын чиглэлээр 187 гаруй төсөл, хөтөлбөрийг санхүүжүүлсэн нь бүгд орон нутгийн ханган нийлүүлэлт, ажил эрхлэлттэй холбоотой байлаа.
Бидэнтэй хамтран ажиллаж буй нутгийн ард иргэдэд хөрөнгө оруулж байна
Орон нутгийн хөгжлийн нэгэн шинэлэг төсөл болох “Ямааны ноолуураас ноолууран хүрэм хүртэл” хэмээн өхөөрдөн нэрлэсэн төсөл нь орон нутгийн нөлөөлөл, тогтвортой байдалд чиглэсэн түншлэлийн өвөрмөц хэлбэр юм. Энэхүү төсөлд тансаг хэрэглээний бараа үйлдвэрлэгч Керинг компани, ашгийн бус байгууллага Зэрлэг байгаль, амьтан хамгаалах нийгэмлэг (WCS), Стэнфордын их сургууль, тэр ч байтугай АНУ-ын сансар судлалын NASA агентлаг хүртэл олон байгууллага бидэнтэй хамтран ажиллаж орон нутгийн малчид ноолуурын нийлүүлэлтийн сүлжээгээ сайжруулж ашиг орлогоо дээд зэргээр нэмэгдүүлэх, ноолуурын үйлдвэрлэлийг малчдын хувьд ч, дэлхийн хувцас загварын салбарын хувьд ч илүү тогтвортой болгох чиглэлд тусалж байна.
Амин чухалнөөцийг удирдаж байна
Говь нутаг хуурай, алслагдмал учраас усны нөөц хомс, эрэлт ихтэй байдаг. Нутгийн малчид газрын гүний гүехэн эх үүсвэрээр малаа усалдаг бол Оюу толгой уурхай ч бас тэр бүс нутгаас ус ашиглах хэрэгтэй болдог.
Амин чухалнөөцийг удирдаж байна
Манай үйл ажиллагаанаас Оюу толгойн бүс нутаг, түүний эргэн тойрны экосистемд үзүүлэх нөлөөний талаар нутгийн ард иргэдийн санааг зовоодог асуудлуудыг бид хүлээн зөвшөөрдөг бөгөөд усны нөөцийн менежментийг анхаарал болгоомжтой хийх нь уурхайн төлөвлөлт, үйл ажиллагаанд онцгой чухал ач холбогдолтой гэдгийг бид мэддэг.
Амин чухалнөөцийг удирдаж байна
Сүүлийн 10 жилд бид тус бүс нутгийн усны хомс нөөцийг гамтай ашиглаж ирсэн. Бид нутгийн ард иргэдтэй нягт хамтран ажиллаж усны нөөц Оюу толгойн уурхайд төдийгүй нутгийн малчдад хүрэлцээтэй хэвээр байх нөхцөлийг амжилттай бүрдүүлж ирлээ.
Амин чухалнөөцийг удирдаж байна
Бидний усыг дахин боловсруулах, хадгалж хамгаалах арга барил Оюу толгойг дэлхий дээрх ижил төрлийн бусад уурхай дотроос хамгийн их усны хэмнэлттэй уурхайн нэг болгож байна. Бид үйлдвэрлэлд хэрэглэж буй усныхаа 80 гаруй хувийг дахин боловсруулж хэрэглэдэг. Оюу толгой уурхай нэг тонн хүдэр боловсруулахад дунджаар ... шоо метр ус ашигладаг. Энэ нь салбарын дунджаас даруй гурав дахин бага байна.
Амин чухалнөөцийг удирдаж байна
Бид хуваарилагдсан усаа үр ашигтай ашиглахын зэрэгцээ малчид, нутгийн иргэд, орон нутгийн захиргаатай хамтран гүний усны цооног, худаг болон нийтийн хэрэгцээний усны бусад эх үүсвэрийг хамгаалж байна. Үүнийг шалгаж нягтлах нэг арга бол нутгийн иргэдийн усны хяналтын хөтөлбөр бөгөөд бид малчдын гар худгийн усны түвшин, усны чанарыг шалгаж үр дүнг тэдний өөрсдийн хэмжсэн бүртгэлтэй харьцуулдаг. Харьцуулсан үзүүлэлтээс харахад уурхайн үйл ажиллагаанаас малчдын худагт ямар нэг сөрөг нөлөө үзүүлээгүй байна.
Амин чухалнөөцийг удирдаж байна
Гэхдээ ирэх олон арван жил тогтвортой ажиллахын тулд, ялангуяа гүний уурхайн хүчин чадал улам бүр нэмэгдэж буй нөхцөлд Оюу толгой уурхайд усны шинэ эх үүсвэр хэрэгтэй болно гэдгийг бид мэдэж байгаа. Энэ үүднээс Оюу толгой уурхайн үйл ажиллагааг эхлэхээс өмнө Гүний хоолойн газар доорх асар том усан санг олж илрүүлээд байгаа.
Амин чухалнөөцийг удирдаж байна
Гүний хоолойн усан сан нь ундны бус давстай ус агуулдаг бөгөөд Сиднейн усан боомтоос бараг 12 дахин том хэмжээтэй. Энэ нь Оюу толгой уурхай нутгийн ард иргэд, тэдний говь нутгийн усны хомс нөөцийн хүртээмжид нөлөөлөлгүйгээр үр ашигтай ашиглах боломж олгох юм.
Аюулгүйажиллагаа нэн тэргүүнд
Аюулгүй ажиллагаа бол хүн бүрийн үүрэг хариуцлага бөгөөд Оюу толгойн баг энэ
үзүүлэлтээрээ Рио Тинто группийн хэмжээнд тэргүүлдэг. Энэ бол хянамгай менежмент, уурхайн талбарт сонор сэрэмжтэй ажиллах соёл, байнгын мэдээлэл харилцаа, сургалтын ажлын үр дүн юм. Өнгөрсөн 10 жилд Оюу толгойн аюулгүй ажиллагааны амжилтыг дэмжиж ирсэн хэд хэдэн технологийн шинэ санаачилгууд бий.
Аюулгүйажиллагаа нэн тэргүүнд
Ажилчдын аюулгүй ажиллагааг хангахын тулд бид Ухаалаг малгай буюу аюулгүй ажиллагааны дэвшилтэт технологи бүхий хэрэгсэл ашиглаж тэдний ажлын ядаргааг хэмжиж хянаж байна.
Аюулгүйажиллагаа нэн тэргүүнд
Бид бас уул уурхайн шинэ арга техник болох блоклон олборлох аргыг ашиглаж байгаа бөгөөд энэ нь газрын татах хүчийг ашиглан үнэт материалыг зардал багатайгаар олборлох арга юм.
Аюулгүйажиллагаа нэн тэргүүнд
Оюу толгой-д ашигладаг өөр нэг шинэлэг арга техник бол дахин бутлах тэсэлгээний арга бөгөөд малталтын илүү аюулгүй, үр ашигтай арга юм.
Аюулгүйажиллагаа нэн тэргүүнд
Мөн бид Уул уурхайн яам, Нисгэгчгүй нисэх төхөөрөмжийн холбоотой түншилж тэсэлгээний ажилд дроноор хяналт тавьж ажилладаг. Ингэснээр тэсэлгээний бүсээс хүмүүсийг холдуулж олборлолтыг илүү аюулгүй, үр ашигтай явуулахад хувь нэмэр оруулж байна.