Нууцлалын мэдэгдэл

Энэхүү Нууцлалын мэдэгдэл нь танд Рио Тинто групп компаниуд (“Рио Тинто”, “бид”, “бидний”) нь таны Хувийн болон Эмзэг мэдээллийг хэрхэн цуглуулж, ашиглаж, боловсруулж, задруулах талаар мэдээлэл өгөх болно. Рио Тинто таны итгэл найдварыг хөсөрдүүлэхгүйн үүднээс таны Хувийн мэдээллийг хариуцлагатайгаар зохицуулж, ашиглах тал дээр хичээдэг.

Рио Тинто компани нь таны Хувийн мэдээллийг зохицуулагч этгээд болно.

Тодорхойлолт

“Хараат” гэж Rio Tinto PLC эсвэл Rio Tinto Limited -тэй холбоотой эсхүл хяналтан дор буй этгээдийг хэлнэ.

“Холбогдох хууль тогтоомж” гэж таны бүс нутгийн холбогдох нууцлал ба хувийн мэдээллийг хамгаалах тухай хууль тогтоомжийг хэлнэ.

“Гадны оролцогч талууд” гэж өмнө байсан, одоо байгаа болон ирээдүйн үйлчлүүлэгч, бараа үйлчилгээ ханган нийлүүлэгч, төрийн албан тушаалтнууд болон Рио Тинтотай үйл ажиллагааныхаа хүрээнд харьцаа холбоотой бусад оролцогч талуудыг хэлнэ.

“Хувийн мэдээлэл” гэж Холбогдох хууль тогтоомжид тодорхойлсон тодорхой этгээдэд хамаарах эмзэг мэдээлэл зэрэг аливаа мэдээллийг хэлнэ. Энэхүү Нууцлалын мэдэгдэл дэх “Хувийн мэдээлэл” гэх нэр томъёонд Холбогдох хууль тогтоомжид орсон “Хувийн өгөгдөл” “Хувь хүний тухай мэдээлэл” зэрэг ижил төстэй нэр томъёонуудыг багтсан болно. Өмнөд Африк улсад Хувийн мэдээлэлд аж ахуйн нэгжүүдийн тухай мэдээлэл орох нь бий.

“Нууцлал зохицуулагч” гэж нууц мэдээллийг хамгаалах хууль тогтоомжийг сахиулах үүрэг бүхий бие даан ажилладаг төрийн байгууллагыг хэлнэ.

“Рио Тинто групп компаниуд” гэж Rio Tinto PLC болон Rio Tinto Limited компанийн хараат болон охин компанийг хэлнэ.

“Эмзэг мэдээлэл” гэх ангилалд арьс өнгө, угсаа гарвал, шашин шүтлэг, үзэл баримтлал, генетик, биометрикийн мэдээлэл, эрүүл мэндийн байдал, бэлгийн чиг баримжаа, эрүүгийн ял шийтгэл зэрэг Холбогдох хууль тогтоомж дор онцгой хамгаалалтад байдаг өөр бусад мэдээлэл орж болно. Энэхүү Нууцлалын мэдэгдэл дэх “Хувийн мэдээлэл” гэх нэр томъёонд Холбогдох хууль тогтоомжид орсон “Хувийн өгөгдөл” “Хувь хүний тухай мэдээлэл” зэрэг ижил төстэй нэр томъёонуудыг багтсан болно.

“Охин компани” гэж өөр компанийн бүрэн буюу хагас эзэмшилд байдаг Рио Тинто групп компаниуд дор эх компани хэмээх компанийг хэлнэ.

Манай Рио Тинтогийн газар болон эвентүүдэд зочлогсод

Бид танаас дараах болон бусад Хувийн мэдээллийг цуглуулж, ашиглаж, боловсруулж, задруулж болно.

Таны нэр, компанийн нэр ба хаяг, албан тушаал, хүйс, гэрийн хаяг, холбоо барих мэдээлэл
Аудио, зураг/видео: та манай Рио Тинто бүс газарт биечлэн зочлох эсвэл лайв эвентүүдэд оролцох үед бид таны аудио, видео бичлэг, CCTV бичлэг, гэрэл зургийг авч болно
Та эвентэд оролцох бол бид таны хоолны дэглэмийн талаар мэдээллийг авч болно
Гадаад паспорт зэрэг биеийн байцаалтын бичиг баримт
Машины дугаарын пайзыг автоматаар танигч: Рио Рио Тинтогийн зарим газрууд машины дугаарыг цуглуулдаг
Хувийн хамгаалах хэрэгсэл - хувцас, гутлын хэмжээ
Таны сайн дураараа өгөх мэдээлэл
Олон нийтийн хүлээн авалтад оролцох зэрэг зарим тохиолдолд бид бүх насны хүүхдүүдээс Хувийн мэдээлэл цуглуулдаг. Дэлгэрэнгүй мэдээлэл авах бол "Хүүхдийн тухай хувийн мэдээлэл" хэсгийг харна уу. Хувийн мэдээлэлд зөвхөн овог нэр, нас, хоолны дэглэм болон хүүхдийн үйл ажиллагаа орно

Дараах эмзэг мэдээлэл:

эрүүл мэндийн байдал, эрүүл мэндийн үзлэг (вакцинжуулалт, үзлэг, эмчийн зөвлөгөө, эрүүл мэндийн түүх - гэхдээ эдгээрээр хязгаарлагдахгүй), арьс өнгө, угсаа гарвалын талаар мэдээллийг шууд болон шууд бусаар
архи согтууруулах ундаа, мансууруулах бодисын шинжилгээ (үүнийг бид ажилтнуудаа аюулгүй байлгах хууль зүйн бодлогынхоо хүрээнд хийдэг), мөн
ослын нөхцөл байдал, сэжигтнийг мөрдөн шалгахад шаардлагатай мэдээлэл (Эмзэг мэдээлэл орж болно)
Дэлгэрэнгүй мэдээлэл авах бол "Эрүүл мэнд, эрүүл мэндийн үзлэг" хэсгийг харна уу

Рио Тинтогийн вэбсайтууд, бичил вэбсайтууд, RT Connect зэрэг онлайн платформуудад зочлогсод

Бид танаас дараах Хувийн мэдээллийг цуглуулж, ашиглаж, боловсруулж, задруулж болно.

Таны нэр, компанийн нэр ба хаяг, албан тушаал, холбоо барих мэдээлэл
Хэрэглээний мэдээлэл: интернет болон бусад цахим сүлжээтэй харьцах талаарх мэдээлэл, та манай вэбсайтууд, бичил вебсайтуудтай хэрхэн харьцдаг болон имейлээр хэрхэн харьцдаг талаарх мэдээлэл - гэхдээ эдгээрээр хязгаарлагдахгүй
Байршил тогтоох: та манай вэбсайтыг ашиглах явцад бид таны байршлыг тогтооход шаардлагатай мэдээлэл
Күүки, дэлгэрэнгүй мэдээллийг доороос харж болно, вэбсайт руу орж Күүки тохиргоог өөрчлөх боломжтой

Рио Тинто үйл ажиллагаагаа явуулдаг эсвэл явуулахаар төлөвлөж буй бүс нутгийн оршин суугчид

Бид танаас дараах болон бусад Хувийн мэдээллийг цуглуулж, ашиглаж, боловсруулж, задруулж болно.

Таны нэр, имейл хаяг, гэрийн хаяг, утасны дугаар зэрэг холбоо барих мэдээлэл
Аудио, зураг/видео: та манай Рио Тинто бүс газарт биечлэн зочлох буюу оршин суудаг эсвэл лайв эвентүүдэд оролцох үед бид таны аудио, видео бичлэг, CCTV бичлэг, гэрэл зургийг авч болно
Та эвентэд оролцох бол бид таны хоолны дэглэмийн талаар мэдээллийг авч болно
Эрүүл мэндийн байдал, эрүүл мэндийн үзлэг (вакцинжуулалт, үзлэг, эмчийн зөвлөгөө, эрүүл мэндийн түүх - гэхдээ эдгээрээр хязгаарлагдахгүй), арьс өнгө, угсаа гарвал, шашин шүтлэг, та тухайн бүс нутаг, уугуул иргэдтэй ямар харьцаатай талаарх мэдээллийг шууд болон шууд бусаар Дэлгэрэнгүй мэдээлэл авах бол "Эрүүл мэнд, эрүүл мэндийн үзлэг" хэсгийг харна уу
Ослын нөхцөл байдал, сэжигтнийг мөрдөн шалгахад шаардлагатай мэдээлэл (Эмзэг мэдээлэл орж болно)
Гадаад паспорт зэрэг биеийн байцаалтын бичиг баримт
Боловсрол, академик ололт амжилт
Хөдөлмөрийн статус, хөдөлмөрийн түүх, ажлын салбар, ажлын виз
Таны өвөг дээдэс тухайн газар нутагт хэзээнээс оршин тогтносоор ирсэн, болон таны өв соёл
Хүйс, гэрлэлтийн байдал, гарын үсэг болон өөр бусад мэдээлэл
Машины дугаарын пайзыг автоматаар танигч: Рио Рио Тинтогийн зарим газрууд машины дугаарыг цуглуулдаг
Таны сайн дураараа өгөх мэдээлэл

Гадны оролцогч талууд

Бид танаас дараах болон бусад Хувийн мэдээллийг цуглуулж, ашиглаж, боловсруулж, задруулж болно.

Таны нэр, компанийн нэр ба хаяг, албан тушаал, хүйс, холбоо барих мэдээлэл
Төрийн албан тушаалтан зэрэг зарим оролцогч талуудаас хуулийн дагуу шаарддаг мөнгө угаалт, хээл хахууль, авлигатай тэмцэх, ашиг сонирхлын зөрчил, хориг арга хэмжээний тухай шалгах хуудас
Аудио, зураг/видео: та манай Рио Тинто бүс газарт биечлэн зочлох эсвэл лайв эвентүүдэд оролцох үед бид таны аудио, видео бичлэг, CCTV бичлэг, гэрэл зургийг авч болно
Та эвентэд оролцох бол бид таны хоолны дэглэмийн талаар мэдээллийг авч болно
Гадаад паспорт зэрэг биеийн байцаалтын бичиг баримт
Машины дугаарын пайзыг автоматаар танигч: Рио Рио Тинтогийн зарим газрууд машины дугаарыг цуглуулдаг
Таны сайн дураараа өгөх мэдээлэл

Дараах эмзэг мэдээлэл:

эрүүл мэндийн байдал, эрүүл мэндийн үзлэг (вакцинжуулалт, үзлэг, эмчийн зөвлөгөө, эрүүл мэндийн түүх - гэхдээ эдгээрээр хязгаарлагдахгүй), арьс өнгө, угсаа гарвал, үзэл баримтлал, шашин шүтлэгийн талаар мэдээллийг шууд болон шууд бусаар
архи согтууруулах ундаа, мансууруулах бодисын шинжилгээ (үүнийг бид ажилтнуудаа аюулгүй байлгах хууль зүйн бодлогынхоо хүрээнд хийдэг), мөн
ослын нөхцөл байдал, сэжигтнийг мөрдөн шалгахад шаардлагатай мэдээлэл (Эмзэг мэдээлэл орж болно
Дэлгэрэнгүй мэдээлэл авах бол "Эрүүл мэнд, эрүүл мэндийн үзлэг" хэсгийг харна уу

Төгсөгчид

Бид танаас дараах Хувийн мэдээллийг цуглуулж, ашиглаж, боловсруулж, задруулж болно.

Таны нэр, холбоо барих мэдээлэл

Рио Тинтогийн эзэмшилд буй байр орон сууц эсвэл Рио Тинтогоос хангасан байр орон сууц түрээслэгч одоогийн ажилтнууд

Бид танаас дараах болон бусад Хувийн мэдээллийг цуглуулж, ашиглаж, боловсруулж, задруулж болно.

Таны нэр, ажлын газар, Рио Тинтогийн эзэмшилд буй эсвэл Рио Тинтогоос хангасан байр орон сууцын хаяг, албан тушаал, холбоо барих мэдээлэл
Санхүүгийн тухай мэдээлэл
Ослын нөхцөл байдал, сэжигтнийг мөрдөн шалгахад шаардлагатай мэдээлэл (Эмзэг мэдээлэл орж болно)
Та болон бусад этгээдүүд бидэнд сайн дураараа өгөх мэдээлэл

Хүүхдийн хувийн мэдээлэл

Бид үйлчилгээнүүдээ хүүхдүүдэд зориулан өгдөггүй боловч бид зарим тохиолдолд бүх насны хүүхдийн хувийн мэдээллийг цуглуулж, ашиглаж, боловсруулж, задруулж болно. 13 ба үүнээс дээш насны хүүхдүүд насанд хүрэгсдийн адил эрхтэй бөгөөд Холбогдох хууль тогтоомжийн дагуу Хувийн мэдээлэлдээ хандах, шинэчлэх болон хувийн мэдээллээ боловсруулахыг татгалзах эрхтэй. Бид 13-аас доош насны хүүхдүүдийн Хувийн мэдээллийн нууцлалыг хамгаалах хариуцлагатай. Бид Хүүхдийн хувийн мэдээллийг Family Days зэрэг Рио Тинтогоос зохион байгуулдаг хүлээн авалтад эцэг эх, асран хамгаалагчтайгаа оролцож буй хүүхдээс л авна. Бид хүүхдийн хувийн мэдээллийг хамгаалах хэд хэдэн арга хэмжээг хэрэгжүүлдэг:

хувийн мэдээллийг боловсруулах, зөвшөөрөл авах тухайд эцэг эх, асран хамгаалагчид мэдэгдэх
зөвхөн нэн шаардлагатай хувийн мэдээллийг л авах
эцэг эх, асран хамгаалагчдад хүүхдээс нь цуглуулсан Хувийн мэдээллийг авах болон эдгээрт өөрчлөлт оруулах, устгах хүсэлт гаргах эрхийг олгох (эдгээр нь хязгааргүй бүрэн эрх биш)

Хятад улсад зөвхөн 14 болон үүнээс дээш насны хүүхдүүд л насанд хүрэгсэдтэй адил эрх эдэлдэг.

Хөдөлмөрийн дадлага хийж буй сурагчид [13 болон үүнээс дээш насны]

Бид танаас дараах болон бусад Хувийн мэдээллийг цуглуулж, ашиглаж, боловсруулж, задруулж болно.

Овог нэр, холбоо барих мэдээлэл, сургууль, коллежийн хаяг, холбоо барих мэдээлэл/багшийн овог нэр, хүйс, нас
Улсын даатгал, нийгмийн даатгал, иргэний үнэмлэхийн дугаар
Таны эцэг эх/асран хамгаалагчийн холбоо барих мэдээлэл
Аудио, зураг/видео: та манай Рио Тинто бүс газарт биечлэн зочлох эсвэл лайв эвентүүдэд оролцох үед бид таны аудио, видео бичлэг, CCTV бичлэг, гэрэл зургийг авч болно
Таны хоолны дэглэмийн талаарх мэдээлэл
Эрүүл мэндийн байдал, эрүүл мэндийн үзлэг (вакцинжуулалт, үзлэг, эмчийн зөвлөгөө, эрүүл мэндийн түүх - гэхдээ эдгээрээр хязгаарлагдахгүй), арьс өнгө, угсаа гарвалын талаар мэдээллийг шууд болон шууд бусаар. Дэлгэрэнгүй мэдээлэл авах бол "Эрүүл мэнд, эрүүл мэндийн үзлэг" хэсгийг харна уу
Таны сайн дураараа өгөх мэдээлэл

Эрүүл мэнд, эрүүл мэндийн үзлэг

Эрүүл мэнд, аюулгүй байдалд тавигдах шаардлагын дагуу, мөн Холбогдох хууль тогтоомжийн дагуу, таныг Рио Тинтогийн газарт зочлох эсвэл хүлээн авалтад оролцох зэрэг зарим тохиолдолд бид эрүүл мэнд үнэлгээ хийх, согтууруулах ундаа, мансууруулах бодисын шинжилгээ хийх, мөн таныг бэртэл гэмтэл, өвчин эмгэгээс тэнхрэхэд тань туслахын үүднээс таны Хувийн болон Эмзэг мэдээллийг авах зөвшөөрөл гуйж болно. Бид зарим тохиолдолд өв соёлын ач холбогдолтой газар нутагт үйл ажиллагаа явагдуулахын өмнө таны эрүүл мэндийн түүхийг асууж болно. Энэ нь бидэнд таны эрүүл мэнд, тамир тэнхээ тухайн газарт очиход бэлэн эсэхийг тогтооход тусална.

Та Хувийн болон Эмзэг мэдээллээ цуглуулах, ашиглуулах, боловсруулах, задруулах зөвшөөрлийг өгсөн бол зөвшөөрлөөсөө хүссэн үедээ татгалзаж болно. Зөвшөөрлөөс татгалзах нь та бидэнтэй харьцах харьцаа, Рио Тинтогийн газарт зочлох боломж, хүлээн авалтад оролцох боломж, бэртэл гэмтэл, өвчин эмгэгээс тэнхрэх боломж зэрэгт тань нөлөөлж болзошгүй гэдгийг анхаарна уу.

Таны хувийн мэдээллийг боловсруулах тухай хууль эрх зүйн үндэслэл

Бид таны хувийн мэдээллийг дараах зорилгоор боловсруулж болно:

Гэрээ контрактын гүйцэтгэл

Бизнесийн тохиролцоо ба/эсвэл гэрээ контрактыг гүйцэтгэх зэрэг бизнесийн харилцааг зохицуулах

Таны зөвшөөрлөөр

Тантай биечлэн, имейлээр, эсвэл та манай Вэбсайт, бичил вэбсайтуудыг ашиглах үед, эсвэл “Бидэнтэй холбоо барих” хуудсаар, эсвэл бидний зохион байгуулдаг хүлээн авалтад оролцох үед
Одоо байгаа болон ирээдүйн бизнесийн оролцогч талуудад маркетинг, зар сурталчилгааны материал илгээх. Мөн бид танд манай Вэбсайт, бичил вэбсайтуудад орсон шинэчлэлт болон бизнес үйл ажиллагаа, бараа үйлчилгээний талаар мэдээлэл илгээж болно
Таны талаарх эмзэг мэдээллийг боловсруулах, мэдээллийг дамжуулах зэрэг тодорхой зөвшөөрлийг танаас авах
Та манай Рио Тинтогийн аль нэг газарт зочлох үед бид таны Хувийн болон Эмзэг мэдээллийг (архи согтууруулах ундаа, мансууруулах бодисын шинжилгээ, эрүүл мэндийн үзлэг, вакцинжуулалтын үзлэг, зөвлөгөө зэрэг) таныг болон өөрсдийгөө аюулгүй байлгахын үүднээс эрүүл мэнд, аюулгүй байдлын шаардлагад нийцүүлэн боловсруулах болно.
Рио Тинтогийн хүлээн авалтад гэрэл зураг авахуулахыг зөвшөөрч байвал таны гэрэл зургийг авах
Таны илгээсэн санал хүсэлт, гомдол, сахилгын батын асуудал, сэжигтэй үйл ажиллагаа, гэмт хэрэг зэрэг та, бидэнд хор хөнөөл учруулж болзошгүй өөр бусад үйл ажиллагааг Холбогдох хууль тогтоомжид заасны дагуу мөрдөн шалгах, мэдэгдэх

Таны хувийн мэдээллийг боловсруулах тухай хууль эрх зүйн үндэслэлийн дагуу танаас зөвшөөрөл авах шаардлагатай тохиолдолд та өгсөн зөвшөөрлөөсөө татгалзах эрхтэй. aske&c@riotinto.com руу имейл бичиж, эсвэл зөвшөөрлөөс татгалзах (unsubscribe/opt out) дээр дарж татгалзаж болно.

Хууль тогтоомжийг дагаж мөрдөх

Та манай Рио Тинтогийн аль нэг газарт зочлох үед бид таны Хувийн болон Эмзэг мэдээллийг (архи согтууруулах ундаа, мансууруулах бодисын шинжилгээ зэрэг) таныг болон өөрсдийгөө аюулгүй байлгахын үүднээс эрүүл мэнд, аюулгүй байдлын дүрэм журам болон Холбогдох хууль тогтоомжид нийцүүлэн боловсруулах болно.
Холбогдох хууль тогтоомжийн дагуу өөрсдийн болон гуравдагч этгээдийн хууль ёсны эрхийг хамгаалах
Холбогдох хууль тогтоомжийн дагуу нутгийн иргэдийн харилцааг хөгжүүлэх, тэдэнд газар нутаг ашиглалт, лицензийн зөвшөөрлийн талаар мэдээлэл өгөх, одоогийн болон ирээдүйн үйл ажиллагааны талаарх тэдний санал бодол, байр суурийг хүлээн авч ойлгох, уул ус, газар нутагт үзүүлэх сөрөг нөлөөллийг багасгах, сөрөг нөлөөг устгах
Таны илгээсэн санал хүсэлт, гомдол, сахилгын батын асуудал, сэжигтэй үйл ажиллагаа, гэмт хэрэг зэрэг та, бидэнд хор хөнөөл учруулж болзошгүй өөр бусад үйл ажиллагааг Холбогдох хууль тогтоомжид заасны дагуу мөрдөн шалгах, мэдэгдэх

Бидний хууль ёсны ашиг сонирхол

Бизнес, бараа үйлчилгээ, гүйцэтгэлээ хэмжих, сайжруулах
Нутгийн иргэдийн харилцааг хөгжүүлэх, тэдэнд газар нутаг ашиглалт, лицензийн зөвшөөрлийн талаар мэдээлэл өгөх, одоогийн болон ирээдүйн үйл ажиллагааны талаарх тэдний санал бодол, байр суурийг хүлээн авч ойлгох, уул ус, газар нутагт үзүүлэх сөрөг нөлөөллийг багасгах, сөрөг нөлөөг устгах
Рио Тинтогийн бизнес үйл ажиллагааны тухай ирсэн санал хүсэлт, гомдлыг хүлээн авах, зохицуулах (Рио Тинтогийн эзэмшилд байдаг, Рио Тинтогоос хангасан байр орон сууц, эдлэн газрыг оруулан)
Танд маркетинг, зар сурталчилгааны материалууд илгээхийн тулд бид танд манай Вэбсайт, бичил вэбсайтуудад орсон шинэчлэлт болон бизнес үйл ажиллагаа, бараа үйлчилгээний талаар мэдээлэл илгээж болно
Өгөгдлийн шинжилгээ, аудит хийх, мөн залилангаас урьдчилан сэргийлэх
Та манай Рио Тинтогийн газарт зочлох үед таны эрүүл мэнд, аюулгүй байдлыг хангахын үүднээс (CCTV камер зэрэг)
Таны илгээсэн санал хүсэлт, гомдол, сахилгын батын асуудал, сэжигтэй үйл ажиллагаа, гэмт хэрэг зэрэг та, бидэнд хор хөнөөл учруулж болзошгүй өөр бусад үйл ажиллагааг Холбогдох хууль тогтоомжид заасны дагуу мөрдөн шалгах, мэдэгдэх

Амин чухал ашиг сонирхол

Таны болон бусдын амь насыг хамгаалах. Жишээлбэл танд яаралтай тусламж хэрэгтэй болох үед, эсвэл бусдад яаралтай тусламж үзүүлэх хэрэгтэй болох үед та нөхцөл байдлын талаар чухал мэдээллийг бидэнд илгээх юм

Рио Тинто таны хувийн мэдээллийг хаанаас цуглуулдаг вэ

Танаас шууд (танаас бидэнд ирүүлсэн мэдээллээр) эсвэл шууд бусаар (манай Вэбсайт, бичил вэбсайтууд хийсэн таны үйлдлүүдээр, эсвэл имейлээр харьцах үед)
Таны илгээсэн санал хүсэлт, таны оролцсон судалгаанаас
Та Рио Тинтогийн Вэбсайт, бичил вэбсайтуудад зочлох үед күүки болон ижил төстэй технологиос
Өгөгдлийн аналитик үйлчилгээ үзүүлэгчдээс
Хамтарсан маркетингийн түншүүдээс
Төрийн байгууллага, агентлагуудаас
Үйлчилгээ үзүүлэгч эсвэл гуравдагч этгээдээс (гэрээгээ биелүүлэх, бизнесээ явуулахад бидэнд тусалдаг компаниуд зэрэг)
Эрүүл мэндийн мэргэжилтнүүдээс
Гуравдагч этгээдийн даатгагчдаас
Олон нийтийн мэдээллийн сан, олон нийтийн цахим сүлжээ зэрэг бусад эх сурвалж (таны найзууд болон ямар нэгэн холбоотой хүмүүс) болон бусад гуравдагч этгээдээс

Таны хувийн мэдээллийг хуваалцах, дамжуулах

Бид таны хувийн мэдээллийг дараахтай хуваалцаж болно:

Рио Тинто групп компаниуд болон түншүүд (удирдлагатай болон удирдлагагүй хамтарсан түншүүд). Бид таны Хувийн мэдээллийг дээр тодорхойлсон цуглуулах, ашиглах, боловсруулах, задруулах зорилгоор хуваалцаж болно
Таны хувийн мэдээллийг цуглуулах, ашиглах, боловсруулах, задруулах зэрэг бизнесийн зорилготой холбоотой эрүүл мэндийн мэргэжилтнүүд/зөвлөхүүд, зөвлөх фирм, санхүүгийн зөвлөх, хуулийн зөвлөх, гадаад аудитор, даатгагч, гуравдагч этгээд болон манай бизнесийг дэмждэг үүлэн үйлчилгээ үзүүлэгч зэрэг мэргэжлийн зөвлөхүүд
Аливаа засаг захиргааны зохицуулах байгууллага, төрийн байгууллага, хууль сахиулах байгууллагууд
Бид Холбогдох хууль тогтоомжид заасны дагуу таны хувийн мэдээллийг задруулах үүрэгтэй тохиолдолд, үүнд таны оршин суудаг улсаас гадуурх хууль дүрэм журам орж болно
Манай газар, объект дээр аюулгүй байдлын CCTV камер, тоног төхөөрөмж зэргийг суулгадаг гуравдагч этгээдүүд
Хүлээн авалт зохион байгуулдаг, хүлээн авалтын талаар ирүүлсэн санал хүсэлтийг зохицуулагч гуравдагч этгээдүүд

Хятад улс, Монгол Улс, Өмнөд Солонгост оршин суугчдын Хувийн болон Эмзэг мэдээллийг дамжуулах тухайд Эх газрын Хятад улс, Монгол улс, Өмнөд Солонгосын оршин суугчдад зориулсан нэмэлт мэдээлэл хэсгийн хүснэгтээс авна уу.

Калифорни мужийн нууцлалын хуульд заасны дагуу бид Хувийн мэдээллийг гуравдагч этгээдэд борлуулж, хуваалцдаггүй.

Таны хувийн мэдээллийг хил давуулан дамжуулах

Бид таны зарим Хувийн мэдээллийг таны нутаг дэвсгэрээс гадуур дамжуулж болно.

Ийм тохиолдолд таны Хувийн мэдээллийг зөвхөн дараах үндэслэлийн аль нэгээр дамжуулна:

Холбогдох хууль тогтоомжоос шаардсан бол, таны зөвшөөрлөөр (далд эсвэл ил тод)
Дамжуулалтыг холбогдох хууль тогтоомжид заасны дагуу олон улсын мэдээлэл дамжуулалтыг хамгаалахад тавигдах шаардлагыг хангасан тохиолдолд, жишээлбэл, хэрэв бид таны хувийн мэдээллийг гуравдагч этгээдтэй хуваалцах бол тэдэнтэй хийсэн гэрээнд холбогдох нууцлалын зохицуулагч батлагдаж, чөлөөлөгдсөн гэрээний зохих заалтууд эсвэл таны хувийн мэдээллийг хамгаалах техникийн, зохион байгуулалт, аюулгүй байдлын зохих арга хэмжээ авах шаардлагатай гэрээнд заасан бусад үүрэг хариуцлагыг хүлээх болно
Гарал үүслийн улсын нууцлалын зохицуулагч нь хувийн мэдээллийг хүлээн авах тухайн улс нь Хувийн мэдээлэл авах тохиромжтой улс гэж үзсэн улс руу дамжуулна.

Рио Тинто таны хувийн мэдээллийг хэрхэн аюулгүй хадгалдаг вэ

Рио Тинто нь таны Хувийн мэдээллийг санамсаргүй буюу хууль бусаар устгах, алдагдуулах, өөрчлөх, зөвшөөрөлгүй задруулах, хандахаас хамгаалахын үүднээс холбогдох хууль тогтоомжийн дагуу шаардлагатай техникийн, аюулгүй байдлын арга хэмжээг байнга хэрэгжүүлдэг.

Рио Тинто таны хувийн мэдээллийг хэрхэн аюулгүй хадгалдаг вэ

Рио Тинтод хувийн болон эмзэг мэдээллээ эс өгөх

Хэрэв та шаардлагатай Хувийн болон Эмзэг мэдээллээ өгөхгүй бол энэ нь таны бидэнтэй харьцах боломж, Рио Тинтогийн газарт очих, хүлээн авалтад оролцох боломжид тань нөлөөлж болзошгүй юм. Та Хувийн болон Эмзэг мэдээллээ цуглуулах, ашиглуулах, боловсруулах, задруулах зөвшөөрлийг өгсөн бол зөвшөөрлөөсөө хүссэн үедээ татгалзаж болно. Зөвшөөрлөөс татгалзах нь та бидэнтэй харьцах харьцаа, Рио Тинтогийн газарт зочлох боломж, хүлээн авалтад оролцох боломж зэрэгт тань нөлөөлж болзошгүй гэдгийг анхаарна уу.

Таны эрх

Оршин суудаг улсаасаа шалтгаалан танд Холбогдох хууль тогтоомжид заасан хэд хэдэн эрх бий, тухайлбал Хувийн мэдээлэлдээ хандах, засаж залруулах, устгах, татгалзах, хязгаарлах эрхтэй байхаас гадна бас ялгаварлан гадуурхагдахгүй байх эрхтэй. Мөн та өөрийн эрхийг хамгаалуулах нэг этгээдийг сонгож болно. Хэрэв та эдгээр эрхүүдээ эдлэх, мөн 1996 онд батлагдсан Эрүүл мэндийн даатгалын тухай хуульд (HIPAA) (зөвхөн АНУ-д хамаарна) заасан Хувийн эрүүл мэндийн мэдээлэлдээ хандахыг хүсэж байгаа бол aske&c@riotinto.com имейл хаягаар бидэнтэй холбогдоно уу. Эдгээр нь хязгааргүй бүрэн эрх биш гэдгийг анхаарна уу.

Бид таны хувийн мэдээллийг хэдий хугацаагаар хадгалдаг вэ

Бид таны хувийн мэдээллийг боловсруулахад шаардлагатай хугацаагаар эсвэл Холбогдох хууль тогтоомжид заасны дагуу хадгална. Мөн бид таны хувийн мэдээллийг шүүхийн хэрэг хянан шийдвэрлэх, түүнчлэн засаглал, тайлангийн аливаа шаардлагыг хангахад шаардлагатай хугацаагаар хадгална.

Калифорни мужийн иргэдэд зориулсан нэмэлт мэдээлэл

Энэ хэсэг нь офлайн эсвэл онлайнаар цуглуулсан Калифорнийн Нууцлалын эрхийн тухай хуулиар (CPRA) нэмэлт өөрчлөлт оруулсан Калифорнийн Хэрэглэгчийн нууцлалын тухай хуульд (CCPA) тодорхойлсон энэ хэсэгт "Хувийн мэдээлэл" гэж тодорхойлсон Хувийн мэдээлэлд хамаарна. Энэ хэсэг нь олон нийтэд нээлттэй мэдээлэл эсвэл үл танигдах/агрегат мэдээлэл зэрэг CCPA-д зааснаас гадуурх Хувийн мэдээллийг зохицуулахад үл хамаарна.

Ямар хувийн мэдээлэл цуглуулж, задруулах вэ

Доорх хүснэгтэд бидний өмнөх арван хоёр (12) сарын хугацаанд цуглуулж буй болон цуглуулсан Калифорни мужийн оршин суугчдын хувийн мэдээллийн ангилал, түүнчлэн бизнес арилжааны зорилгоор мэдээллийг задруулсан гуравдагч этгээдүүдийн ангиллыг тодорхойлсон болно. Зарим тохиолдолд (тухайлбал хуульд заасан тохиолдолд) бид тодорхой Хувийн мэдээллийг цуглуулах, ашиглахын өмнө танаас зөвшөөрөл авах эсвэл танд хэд хэдэн сонголт өгч болно.

Цуглуулах хувийн мэдээллийн ангиллууд	Бизнесийн үйл ажиллагааны зорилгоор дараах хүлээн авагчдад задруулна
Овог нэр, утасны дугаар, IP хаяг, имейл хаяг	Рио Тинто групп компаниуд Үйлчилгээ үзүүлэгч, ханган нийлүүлэгч Мэргэжлийн зөвлөх, агентууд Зохицуулагчид, төрийн байгууллагууд, хууль сахиулах байгууллагууд Эрүүл мэндийн мэргэжилтнүүд Вэбсайтууд, онлайн платформууд, үйлдлийн системүүд Таны зөвшөөрлөөр өөр бусад
Калифорнийн Иргэний хуулийн § 1798.80-д тодорхойлсон нэр, гарын үсэг, гэрэл зураг, холбоо барих мэдээлэл, санхүүгийн мэдээлэл, эрүүл мэндийн мэдээлэл зэрэг хувийн мэдээллийн ангилал.	Рио Тинто групп компаниуд Үйлчилгээ үзүүлэгч, ханган нийлүүлэгч Мэргэжлийн зөвлөх, агентууд Зохицуулагчид, төрийн байгууллагууд, хууль сахиулах байгууллагууд Эрүүл мэндийн мэргэжилтнүүд Вэбсайтууд, онлайн платформууд, үйлдлийн системүүд Таны зөвшөөрлөөр өөр бусад
Интернет болон цахим сүлжээний ашиглалтын талаарх мэдээлэл, тухайлбал орсон вэбсайтууд, хайсан үгнүүд, манай болон бусад вэбсайтууд, онлайн платформуудтай харьцсан талаарх мэдээлэл.	Рио Тинто групп компаниуд Үйлчилгээ үзүүлэгч, ханган нийлүүлэгч Мэргэжлийн зөвлөх, агентууд Зохицуулагчид, төрийн байгууллагууд, хууль сахиулах байгууллагууд Вэбсайтууд, онлайн платформууд, үйлдлийн системүүд
Төхөөрөмжийн байршил, физик байршил, IP байршил зэрэг гео байршлын тухай мэдээлэл.	Рио Тинто групп компаниуд Үйлчилгээ үзүүлэгч, ханган нийлүүлэгч Онлайн платформууд, үйлдлийн системүүд
Манай бизнесийн үйл ажиллагаатай холбоотой зураг, аудио, видео, дуудлагын бичлэг зэрэг аудио, цахим, дүрс бичлэг болон үүнтэй төстэй мэдээлэл.	Рио Тинто групп компаниуд Үйлчилгээ үзүүлэгч, ханган нийлүүлэгч Мэргэжлийн зөвлөх, агентууд Зохицуулагчид, төрийн байгууллагууд, хууль сахиулах байгууллагууд Вэбсайтууд, онлайн платформууд, үйлдлийн системүүд
Эрүүл мэндийн байдал, арьс өнгө, угсаа гарвал, түүнчлэн ослын нөхцөл байдал, сэжигтнийг мөрдөн шалгахад шаардлагатай мэдээлэл зэрэг эмзэг мэдээлэл орж болно.	Рио Тинто групп компаниуд Үйлчилгээ үзүүлэгч, ханган нийлүүлэгч Мэргэжлийн зөвлөх, агентууд Зохицуулагчид, төрийн байгууллагууд, хууль сахиулах байгууллагууд Эрүүл мэндийн мэргэжилтнүүд Онлайн платформууд Таны зөвшөөрлөөр өөр бусад
Хүний дур сонирхол, шинж чанаруудын талаар профайл үүсгэх зорилгоор дээр дурдсан Хувийн мэдээллийн аль нэгээс гаргасан дүгнэлт.	Рио Тинто групп компаниуд Үйлчилгээ үзүүлэгч, ханган нийлүүлэгч Мэргэжлийн зөвлөх, агентууд

Бид Калифорнийн оршин суугчидтай холбоотой Хувийн болон Эмзэг мэдээллийг (CCPA-д тодорхойлсны дагуу) "борлуулдаггүй" бас "хуваалцдаггүй".

CCPA-д заасан таны нууцлалын эрхүүд

Калифорнийн оршин суугчид CCPA-д заасан дараах эрхүүдтэй:

Мэдэх/хандах: Хувийн мэдээллийн ангилал, Хувийн мэдээллийг цуглуулж буй эх сурвалжийн ангилал, Хувийн мэдээллийг цуглуулах, худалдах, хуваалцах бизнесийн болон арилжааны зорилго, хувийн мэдээллийг задруулдаг гуравдагч этгээдийн ангилал, таны тухай цуглуулсан хувийн мэдээллийн тодорхой хэсгүүдийг мэдэх эрх
Бидэнд байгаа өөрийн тухай мэдээллийг засах
"Борлуулах", "хуваалцах"-аас татгалзах: CCPA-д эдгээр хоёр нэр томъёог тодорхойлсны дагуу Хувийн мэдээллийг "худалдах" болон "хуваалцахаас" татгалзах эрх. Ямартай ч Рио Тинто нь Калифорнийн оршин суугчдын хувийн мэдээллийг "хуваалцдаггүй" эсвэл "хуваалцдаггүй", "борлуулдаггүй"
Эмзэг мэдээллийн ашиглалт/задруулалтыг хязгаарлах: Эмзэг мэдээллийн зарим талаар ашиглах, задруулахыг хязгаарлах хүсэлт тавих эрх
Үл ялгаварлан гадуурхалт: CCPA-д заасан эрхүүдээ эдлэх явцад ялгаварлан гадуурхагдахгүй байх эрх
Do Not Track (намайг бүү мөрд). Одоогоор манай вэбсайт "Do Not Track" хүсэлтийг таньдаггүй

Та Холбогдох хууль тогтоомжийн дагуу эрхээ эдэлж болно. Эсвэл ямар нэгэн хүсэлт, гомдол байвал aske&c@riotinto.com руу имейл бичих, эсвэл +1 800 872 6729 дугаараар үнэ төлбөргүй холбогдож болно. Эдгээр нь хязгааргүй бүрэн эрх биш гэдгийг анхаарна уу.

Калифорни мужийн Shine The Light Act хуульд заасан таны эрхүүд

Бид гуравдагч этгээдүүдийн маркетингийн зорилгоор Хувийн мэдээлэл задруулдаггүй.

Эрх бүхий төлөөлөгч

Хэрэв та Калифорнийн оршин суугчийн нэрийн өмнөөс эрх бүхий төлөөлөгчөөр хүсэлт гаргахыг хүсвэл дээр дурдсан мэдүүлгийн аргыг ашиглаж болно. Баталгаажуулах үйл явцын хүрээнд бид танаас эрх бүхий төлөөлөгчийн статустай холбоотой нотлох баримтыг гаргаж өгөхийг шаардаж болох бөгөөд үүнээс гадна таны өмнөөс хүсэлт гаргаж буй хувь хүнээс биеийн байцаалтыг баталгаажуулахыг шаардаж болно.

Эх газрын Хятад улс, Монгол улс, Өмнөд Солонгосын оршин суугчдад зориулсан нэмэлт мэдээлэл

Хятад улсад таны Хувийн мэдээллийг дараах этгээдүүдийн нэг буюу хэд хэдэн этгээдүүд цуглуулна:

Rio Tinto Trading (Шанхай) Co Ltd (Шанхай, Бээжин дэх салбарууд)
Rio Tinto Mining Commercial (Шанхай) Co Ltd
Rio Tinto Mineral Exploration (Бээжин) Co Ltd
Rio Tinto Iron & Titanium (Сүжоу) Co Ltd
Rio Tinto China

Монгол Улсад таны Хувийн мэдээллийг дараах этгээдүүдийн нэг буюу хэд хэдэн этгээдүүд цуглуулна:

Rio Tinto Holdings LLC
Rio Tinto Mongolia LLC
Oyu Tolgoi LLC

Хувийн ямар мэдээллийг боловсруулдаг вэ

Бид энэхүү Нууцлалын мэдэгдэлд заасан таны хэд хэдэн хувийн мэдээллийг цуглуулдаг.

Хам сэдэв өөрөөр шаардаагүй л бол Хувийн мэдээлэлд бас Эмзэг мэдээлэл орно (таны нутаг дэвсгэр дэх Холбогдох хууль тогтоомжид тодорхойлсны дагуу). Энэ утгаараа Хятадад дансны дугаар, зээлийн чек, иргэний үнэмлэхийг эмзэг мэдээлэлд тооцдог бол "арьс", "хүйс"-ийг эмзэг мэдээлэлд үл тооцдог (Хятад Улсад). Дэлгэрэнгүй мэдээлэл авах бол aske&c@riotinto.com руу бичнэ үү.

Таны хувийн мэдээллийг хил давуулан дамжуулах

Рио Тинто нь таны хувийн мэдээллийг дараах байдлаар боловсруулдаг:

Хүлээн авагч	Зорилго	Хувийн мэдээлэл	Мэдээлэл хадгалалт
Рио Тинто групп компаниуд	Бизнесийн шалтгаан, зайлшгүй мэдэх ёстой үндэслэлээр	Овог нэр, албан тушаал, компанийн нэр, утасны дугаар, хаяг, имейл хаяг	Холбогдох хууль тогтоомж болон Рио Тинтогийн мэдээлэл хадгалах бодлогын дагуу
Microsoft Office 365 (АНУ)	Харилцаа холбоо, хамтын ажиллагаа, SharePoint, имейл,	Овог нэр, албан тушаал, компанийн нэр, утасны дугаар, хаяг, имейл хаяг	Дээрхтэй адил
Microsoft Office 365 (АНУ)	Харилцаа холбоо, хамтын ажиллагаа, SharePoint, имейл,	Овог нэр, албан тушаал, компанийн нэр, утасны дугаар, хаяг, имейл хаяг	Дээрхтэй адил
RTBS Server (Австрали)	Ханган нийлүүлэгч, харилцагчийн мэдээллийн сан	Овог нэр, албан тушаал, компанийн нэр, утасны дугаар, хаяг, имейл хаяг	Дээрхтэй адил
Global Website (Австрали, АНУ)	Вэбсайт менежмент	Овог нэр, утасны дугаар, имейл хаяг, та манай Вэбсайт, бичил вэбсайтуудтай харьцсан байдал зэрэг хэрэглээний мэдээлэл, Байршил тогтоох: та манай вэбсайт, бичил вэбсайтуудыг ашиглах явцад бид таны байршлыг тогтооход шаардлагатай мэдээлэл Рио Тинтогийн Вэбсайт, бичил вэбсайтуудад зочлогсод Күүки тохиргоо руугаа орж күүкиг зөвшөөрөх боломжтой.	Дээрхтэй адил
Enablon (АНУ)	Байгаль орчин, Эрүүл мэнд, аюулгүй байдлын програм хангамж	Ослын мэдээллийг оруулагчийн хязгаарлагдмал холбоо барих мэдээлэл	Дээрхтэй адил
Navex (ЕХ)	Ослын менежмент, Мэдүүлэг ирүүлэх програм хангамж (шүгэл үлээлтийн яаралтай утасны дугаар)	Мэдүүлэгч болон бусад оролцогч этгээдүүдийн талаарх хязгаарлагдмал хувийн мэдээлэл (хэрэв оруулсан бол - голдуу нэрээ нууцалсан), үүнд Хувийн мэдээлэл (мэдүүлэг, сэжигтэй үйлдлээс шалтгаалан эмзэг мэдээлэл агуулж болно) орж болно	Дээрхтэй адил

Нууцлалын нэмэлт мэдэгдэл

Зарим тохиолдолд, таны нутаг дэвсгэрээс хамааран бид мэдээлэл цуглуулах үйл ажиллагааныхаа талаар нэмэлт мэдээллийг ("Нууцлалын нэмэлт мэдэгдэл") танд өгч болно. Эдгээр Нууцлалын нэмэлт мэдэгдэл нь энэхүү Нууцлалын мэдэгдэлд давхар хэрэгжинэ. Нууцлалын нэмэлт мэдэгдэл нь Нууцлалын мэдэгдэлтэй зөрчилдөх тохиолдолд Нууцлалын нэмэлт мэдэгдлийг баримтална.

Рио Тинто танд цахилгаан хангамжийн үйлчилгээ үзүүлдэг бол Цахилгаан хангамжийн үйлчилгээний нууцлалын нэмэлт мэдэгдлийг харна уу.

Нууцлалын нэмэлт мэдэгдэл

Таныг манай вэбсайт, бичил вэбсайтад зочлох үед бид мэдээлэл цуглуулах, хадгалах зорилгоор күүки болон ижил төстэй технологийг ашиглаж болно. Та браузерынхаа тохиргоо руу орж Күүки тохиргоог өөрчлөх боломжтой. Гэхдээ хэрэв та Күүки болон ижил төстэй технологийг идэвхгүйжүүлбэл зарим функцүүд ажиллахгүй байж болох юм. Бидний ашигладаг Күүки болон ижил төстэй технологи, болон таны сонголтын талаар дэлгэрэнгүй мэдээлэл авах бол доорхыг харна уу. Манай вэбсайтад ашигладаг өөр өөр төрлийн күүки болон ижил төстэй технологийн жагсаалтыг харах бол зочилж буй вэбсайтынхаа күүки баннер дээрх тохиргоо руу орно уу.

Күүки нь таны зочилсон вэбсайтын ашиглалтын талаарх багахан хэмжээний өгөгдлийг таны компьютерт хадгалдаг вэбсайтуудын нэгэн хэвийн функц юм. Күүки нь бидэнд Үйлчилгээнүүдийн аль нь ашигтай, алийг нь сайжруулах шаардлагатайг олж мэдэхэд тусалдаг. Тиймээс бид күүкитэй ижил төстэй технологиудыг ашигладаг. Тухайлбал Flash Local Shared Objects (бас Flash Cookies гэх нь бий) мөн pixel tags. Эдгээрийг доор дэлгэрэнгүй тайлбарласан байгаа.

Зайлшгүй шаардлагатай күүки: Эдгээр нь таныг манай вэбсайтыг ашиглах боломжийг олгоно. Эдгээр зайлшгүй шаардлагатай күүкигүйгээр манай вэбсайтууд саад, төвөггүй ажиллах боломжгүй юм.

Функцийн күүки: Эдгээр нь таны сонголт, дур сонирхлын талаарх мэдээллийг цуглуулж, хэл болон бусад тохиргоог хадгалж, танд тохируулан өөрчлөх боломжийг бидэнд олгодог.

Гүйцэтгэлийн күүки: Эдгээр нь таны манай вэбсайтыг ашиглах талаар мэдээллийг цуглуулж, ажиллагааг нь сайжруулах боломжийг олгодог аналитик күүки юм. Эдгээр нь хэрэглэгчид манай Вэбсайтын ямар хуудсуудыг хамгийн ихээр үзсэн бэ гэдгийг харуулдаг.

Зар сурталчилгаа, сошиал медиа күүки: Эдгээр күүки нь танд зориулсан ар сурталчилгааг үзүүлэхийн тулд манай вэбсайтууд (эсвэл бусад вэбсайтууд) дээрх таны үйлдлийн талаарх мэдээллийг цуглуулдаг. Сошиал медиа күүки нь таны олон нийтийн цахим сүлжээн дээрх үйлдлийн мэдээллийг цуглуулдаг.

Google Analytics: Манай вэбсайтуудын зарим нь мэдээлэл цуглуулах, дүн шинжилгээ хийх, үйл ажиллагаа, чиг хандлагын талаар тайлагнах зорилгоор күүки болон үүнтэй төстэй технологийг ашигладаг Google, Inc. (“Google”) -н Google Analytics үйлчилгээг ашигладаг. Энэ үйлчилгээ нь бусад вэбсайт, апликейшн болон цахим хэрэгслийн ашиглалтын талаарх мэдээллийг цуглуулж болно. Та Google-ийн үйл ажиллагааны талаар google.com/technologies/partner-sites хаягаар орж мэдэх боломжтой. Дээрх үйлчилгээнээс татгалзахыг хүсвэл tools.google.com/dlpage/gaoptout -с Google Analytics opt-out browser add-on -г авах боломжтой.

Манай күүки болон ижил төстэй технологиудын хэрэглээний талаарх таны сонголт: Таны нутаг дэвсгэр дэх хууль тогтоомжийн дагуу (ЕХ/ЕЭЗБ, Нэгдсэн Вант Улс зэрэг) бид, зайлшгүй шаардлагатай күүкиг үл тооцон, таны төхөөрөмж дээр күүки байрлуулах зөвшөөрөл авахыг хүсч болно. Та үзэж буй вэбсайтынхаа күүки баннер дээрх тохиргоо руу орж күүки болон үүнтэй төстэй технологиудын тохиргоог өөрчлөх боломжтой.

Мөн та браузерынхаа тохиргоог өөрчлөн төхөөрөмж дээрээ күүки байршуулахыг хориглох боломжтой. allaboutcookies.org руу орж нийтлэг хэрэглэгддэг браузеруудын талаар мэдээлэл авна уу. Хэрэв та зарим Күүкиг идэвхгүйжүүлбэл манай Вэбсайтын зарим функцүүд хэвийн ажиллахгүй гэдгийг анхаарна уу.

Хүсэлт, гомдол ирүүлэх

Хэрэв танд бид таны Хувийн мэдээллийг ашиглахтай холбоотой ямар нэгэн асуулт, хүсэлт, гомдол байвал, мөн энэхүү Нууцлалын мэдэгдэлд дурдсан эрхээ хэрэгжүүлэхийг хүсвэл aske&c@riotinto.com имейлээр бидэнтэй холбоо барина уу. Мөн та Рио Тинто таны хувийн мэдээллийг хэрхэн боловсруулж буйтай холбоотой аливаа гомдлыг бидэнд эсвэл бүс нутгийнхаа нууцлалын зохицуулагч байгууллагад ирүүлэх эрхтэй.

Калифорни мужийн оршин суугчид

Хэрэв танд бид таны Хувийн мэдээллийг ашиглахтай холбоотой ямар нэгэн асуулт, хүсэлт, гомдол байвал, эсвэл CCPA-д заасан эрхээ эдлэхийг хүсвэл aske&c@riotinto.com имейл бичих, эсвэл +18008726729 дугаараар үнэ төлбөргүй бидэнтэй холбоо барина уу.

Бусад чухал мэдээлэл

Энэхүү Нууцлалын мэдэгдэл нь цаашид өөрчлөгдөж болно. Орсон өөрчлөлтүүдтэй танилцахын тулд энэ хуудсыг байнга шалгаж байна уу.

Манай Вэбсайт болон бичил вэбсайтууд бидний эзэмшлээс гадуурх вэбсайт болон апликейшнуудын холбоосыг агуулж болно. Манай Нууцлалын мэдэгдэл нь тэдгээрт үл хамаарах болно. Тэд таны Хувийн мэдээллийг хэрхэн цуглуулж, ашиглаж, боловсруулж, задруулдаг талаар мэдэхийг хүсвэл тэдний вэбсайт дээрх нууцлалын мэдэгдлийг уншина уу.

Орчуулга нь зөвхөн лавлагааны зориулалттай бөгөөд зөрчил гарсан тохиолдолд англи хэл дээрх хувилбарыг баримтална.