Concentrator, Oyu Tolgoi

Оюу толгой

Зэс алтны нөөцөөрөө дэлхийд дээгүүр орох Оюу толгойд хамгийн сүүлийн үеийн дэвшилтэт технологи бүхий, аюулгүй ажиллагааг бүрэн хангасан, тогтвортой хэрэгжиж буй уул уурхайн төслийг хэрэгжүүлж байна.

Зэс, алт

Бүтээгдэхүүн

54.6KT

Зэсийн үйлдвэрлэл (манай эзлэх хувь) /163.01KT (100%)

≈34%

Эзэмшил

2013

Анхны үйлдвэрлэл

ӨМНӨГОВЬ АЙМАГ, МОНГОЛ УЛС

Зэс алтны нөөцөөрөө дэлхийд дээгүүр орох Оюу толгойд хамгийн сүүлийн үеийн дэвшилтэт технологи бүхий, аюулгүй ажиллагааг бүрэн хангасан, тогтвортой хэрэгжиж буй уул уурхайн төслийг хэрэгжүүлж байна.

Зэс бол ногоон ирээдүйд нэн шаардлагатай металл. Зэсийн үйлдвэрлэлээр бидний дэлхийд тэргүүлэх байр суурийг Оюу толгойн гүний уурхайн улам батжуулсаар байна. Гүний уурхайн бүтээн байгуулалт хийгдэж дууссаны дараа эл орд дэлхийн дөрөв дэх том зэсийн уурхай болох юм.

Оюу толгойн ил уурхайг 2011 оноос ашиглаж эхэлсэн. Монгол Улсад бүтээн байгуулсан үйлдвэрлэлийн хамгийн том байгууламж болох баяжуулах үйлдвэр нь 2013 оноос олборлосон хүдрийг зэсийн баяжмал болгон боловсруулж эхэлсэн. Оюу толгой дахь үйлдвэр болон дэд бүтэц нь тус уурхайг хэдэн арван жилийн турш ашиглах боломжийг олгох юм.

Оюу толгой компанийн Төлөөлөн Удирдах Зөвлөл 2022 оны нэгдүгээр сард Оюу толгойн гүний уурхайн үйл ажиллагааг эхлүүлэх шийдвэрийг гаргасан. Ингэснээр уурхайн хамгийн үнэ цэнтэй нөөцийг ашиглах боломж нээгдэж, гүний уурхай 2023 оны эхний хагаст тогтвортой үйлдвэрлэлд хүрэх тооцоотой байна.

Оюу толгойн 34 хувийг Монгол Улсын Засгийн газрын эзэмшлийг төлөөлж Эрдэнэс Оюу Толгой ХХК, үлдсэн 66 хувийг Рио Тинто групп шууд эзэмшдэг. Рио Тинто групп нь хувьцаа эзэмшигчдийн нэрийн өмнөөс тус компанийн үйл ажиллагааг удирдан явуулдаг.

Зэс ногоон ирээдүйг бүтээхэд нэн шаардлагатай

Оюу толгой үйлдвэрлэлийн оргил үедээ жилд 500,0001 тонн зэс үйлдвэрлэнэ. Энэ хэмжээний зэсээр өдөрт дараах бүтээгдэхүүнийг үйлдвэрлэдэг:

1,580

салхин сэнс

16,400

цахилгаан автомашин

1Оюу толгойн ил болон гүний уурхайгаас жилд үйлдвэрлэх 500,000 тонн (цэвэршүүлсэн металл гэж тодорхойлсон) зорилтын 17 хувь нь батлагдсан хүдрийн нөөцөөр, 83 хувь нь 2028-2036 он хүртэлх хүдрийн магадлалтай нөөцөөр тусгагдсан.

Эдгээр үйлдвэрлэлийн зорилтуудыг Хайгуулын үр дүн, ашигт малтмалын нөөц ба хүдрийн нөөцийг тайлагнах Австралийн дүрмийн 2012 оны хэвлэлийн (JORC код) шаардлагын дагуу эрх бүхий хүмүүс одоогийн уурхайн загвараас хуваарь гаргасан.

Оюу толгой дахь инновац

Уурхайн хамгийн үнэ цэн бүхий хэсэг нь газрын гүнд бий. Хүдрийн тэрхүү биетэд хүрэхийн тулд дэлхийд тэргүүлэх гүний уурхайг барьж байна. Ойролцоогоор 200 орчим км урт хонгилд явагдах үйл ажиллагааг хянах орчин үеийн технологи бүхий удирдлага, хяналтын төв энэхүү бүтээн байгуулалтад багтаж байна.

5

Босоо ам, хамгийн гүндээ 1.3 км хүрнэ

5,5 метр

хонгилын дундаж өндөр, 5 метр өргөн

Бид хүдрийн нөөцийг “блокчлон олборлох” гэх гүний уурхайн дэвшилтэт технологиор олборлоно. Блокчлон олборлох нь техникийн хувьд нарийн төвөгтэй хэдий ч газрын татах хүчийг ашигладаг тул газрын гүнээс хүдэр олборлох хамгийн найдвартай, өртөг багатай аргуудын нэг юм.

Энгийнээр тайлбарлавал, хүдрийн нөөцийн дор хоосон зайг ухаж бий болгодог. Ингэснээр хүдэр өөрийн жингээр нурж унадаг. Хүдрийг “хүдэр буулгуур” гэж нэрлэдэг хонгилоор буулгаж авдаг. Хэд хэдэн түвшинд байрлах зэрэгцээ хонгилыг ашиглан хүдрийг олборлож, буталдаг. Буталсан хүдрээ үйлдвэрлэлийн үйлдвэрлэлийн ам эсвэл туузан дамжуулгаар газрын гадаргад зөөж гаргана.

Хэдийгээр Ковид-19 цар тахлаас үүдэн дотоодод болон олон улсад хилийн хязгаарлалт тогтоосоор байгаа ч бид Оюу толгойн гүний уурхайн бүтээн байгуулалтын хэд хэдэн гол ажлыг урагшлуулсаар байна.

2020 оны 12 дугаар сарын 16-нд бид Панел-0 хэсгийн нарийвчилсан тооцооллыг эцэслэн гаргасан. Ингэснээр, өмнө нь мэдээлж байсан таамгийн хүрээнд шинэчилсэн төсөв 6.75 тэрбум ам.доллар болох бол тогтвортой үйлдвэрлэл 2022 оны аравдугаар сард эхлэх тооцоо гарлаа. Энэхүү тооцоололд КOВИД-19 цар тахлын одоогоор мэдэгдэж буй нөлөөллийг оруулж тооцсон.

Оюу толгойд бид цогц уурхайг цогцлоож, ажилчдынхаа аюулгүй байдлыг хангахад технологи ашиглаж байна. Гүний уурхайн уурхайчид болон тоног төхөөрөмжөө газрын гадаргуу дээр байгаа удирдлагын багтай байнгын найдвартай харилцаатай байлгахын тулд утасгүй холбооны сүлжээг байгуулж байна. Түүнчлэн уурхайчин бүр байршил тогтоогчтой бөгөөд энэ нь тэдний хаана байгааг олж тогтоох, шаардлагатай үед яаралтай тусламж үзүүлэх боломжийг олгодог. Үүнтэй төстэй мэдрэгчүүд нь бүх тоног төхөөрөмжийн байршил, тэдгээрийн ажлын гүйцэтгэлийг хянах боломжийг олгодог. Мөн эдгээр мэдрэгч нь уурхайн хонгилын агаарын нөхцөл байдлыг бодит цаг хугацаанд хянаж байдаг. Рио Тинтогийн Гүний уурхайн тэргүүн туршлагын төв нь Монгол дахь гүний уурхайн багт дэмжлэг үзүүлж ажилладаг. Австралийн Брисбэн дахь гүний уурхайн мэргэжилтнүүдийг Оюу толгой дахь үйл ажиллагааны багийн гишүүдтэй холбож өгдөг. Эдгээр багууд нь цуглуулсан их хэмжээний өгөгдлийг ашиглан аюулгүй байдал, бүтээмж, гүйцэтгэлийг нэмэгдүүлэхийн тулд хамтран ажилладаг.

1Нарийвчилсан тооцоог/ Гүний уурхайн бүтээн байгуулалтад шаардлагатай нэмэлт төсвийг (“Оюу толгой” компанийн Төлөөлөн удирдах зөвлөлөөр батлуулах ажил хүлээгдэж байгаа) Рио Тинто группийн Төлөөлөн удирдах зөвлөл, Туркойс Хилл Ресурсез компаниас баталснаар төслийн суурь тайланг шинэчлээд байна. Уг тооцоололд 2021 онд Ковид-19 цар тахлын үеийн хязгаарлалт 2020 оны 9 дүгээр сарын үеийнхээс чангарахгүй гэж тооцоолж, Ковид-19 цар тахлын үеийн хязгаарлалт 2021 оноос цааш ч үргэлжлэх, эсвэл нөхцөл байдал цаашид хүндэрч, хязгаарлалтууд улам чангарах тохиолдолд зардал нэмэгдэж, хуваарьт хугацаанд өөрчлөлт гарна гэж заасан байна.

2020 онд нарийвчилсан тооцоолол гарснаас хойш Монгол Улсад халдварын тохиолдол илэрснээр халдварын эсрэг нэмэлт хязгаарлалт тогтоосон бөгөөд 2021 оны 3 дугаар сард Оюу толгойн уурхайд Ковид-19 халдварын анхны тохиолдол илэрсний улмаас уурхайн цогцолборыг түр хаах, тусгаарлах арга хэмжээ авах, улмаар нислэг, ажилчдын хөдөлгөөнийг хязгаарлахад хүрсэн. Эдгээр нэмэлт хязгаарлалтын нөлөөлөл тус хугацаанд үргэлжилж, 2020 оны 9 дүгээр сарын үеийнхээс нэмэгдсээр байгаа ба одоо ч үргэлжилж, цаашид нөлөөллийг нь тодорхойлох шаардлагатай байгаа болно.

Оюу толгойд хэрхэн блокчлон олборлох аргыг ашиглаж хүдрийн биетийг зөөвөрлөхийг үзээрэй

Өсөлт

Хотжилт, үйлдвэржилт, сэргээгдэх эрчим хүчний хэрэгцээ нэмэгдэхийн хэрээр дэлхийн зэсийн эрэлт өсөж байна. Зэс нь цахилгаанжуулалт, эрчим хүч үйлдвэрлэхэд гол үүрэг гүйцэтгэдэг. Жишээлбэл, хэдэн зуун өрхөд хүрэлцэхүйц нэг мегаватт цахилгаан эрчим хүч үйлдвэрлэх хүчин чадал бүхий салхин цахилгаан үүсгүүр үйлдвэрлэхэд гурван тонн гаруй зэс шаардлагатай байдаг.

Оюу толгой төслийн дэлхийн зэсийн үйлдвэрлэл дэх ач холбогдол, олон арван жил үргэлжлэх ирээдүйг тооцон, урт хугацааны хэтийн төлөвтэйгөөр хөгжүүлж байгаа билээ. Төслийн түншүүд болон хэрэгжүүлэгч талууд нь Оюу толгойн "Эрдэс баялгаас эрдэм мэдлэг, ур чадвар, үнэт зүйлс бүтээлцэх" алсын харааг баримталж, Монгол Улсын хөгжилд хувь нэмэр оруулах аюулгүй, дэлхийд өрсөлдөх чадвартай зэсийн бизнесийг хөгжүүлэхийн төлөө ажиллаж байна.

Оюу толгой уурхай үйлдвэрлэлийн оргил үедээ буюу 2028-2036 онд ил болон гүний уурхайгаас жилд дунджаар 4800002 тонн зэс олборлож, Ингэснээр 2030 он гэхэд дэлхийд дөрөвт орох зэсийн уурхай болох төлөвтэй байна.

2 Оюу толгойн гүний ба ил уурхайн үйлдвэрлэлийн энэхүү зорилтот түвшнийг (цэвэршүүлсэн металл гэж тодорхойлсон) 2020 оны 12 дугаар сарын 16-нд зах зээлд мэдээлсэн (зах зээлийн мэдээ). Үйлдвэрлэлийн уг зорилтот үзүүлэлттэй холбоотой бүх тооцоолол хэвээр байгаа ба их хэмжээний өөрчлөлт ороогүй байна

Рио Тинтогийн хэвлэлийн мэдээ

04 Арван хоёрдугаар сар 2023

МОНГОЛ УЛСАД ТОГТВОРТОЙ ХӨГЖЛИЙГ ДЭМЖИХ ЧИГЛЭЛД ЮНЕСКО, РИО ТИНТО ХАМТРАН АЖИЛЛАНА

Улаанбаатар хот, Монгол Улс – Уул уурхайн үндэстэн дамнасан Рио Тинто групп Нэгдсэн Үндэстний Байгууллагын Боловсрол, Шинжлэх ухаан, Соёлын байгууллага ЮНЕСКО-той тогтвортой хөгжилд чиглэсэн санаачилгуудыг дэмжих урт хугацааны түншлэлийн гэрээ байгууллаа.Гэрээнд гарын үсэг зурах ёслолын үеэр талууд соёлын болон геологийн өвөөр дамжуулан Монголын тогтвортой аялал жуулчлалыг дэмжих анхны төслөө тани

04 Арван хоёрдугаар сар 2023

UNESCO and Rio Tinto sign partnership to support sustainable development in Mongolia

ULAANBAATAR, Mongolia -– Global mining company Rio Tinto and UNESCO have today agreed to establish a comprehensive long-term partnership that is specifically designed to foster sustainable development initiatives in Mongolia.During the signing ceremony held in Ulaanbaatar, the parties announced their first joint project, focused on promoting sustainable tourism through cultural and geo-heritage in

13 Гуравдугаар сар 2023

Underground production celebrated at Oyu Tolgoi

ULAANBAATAR, Mongolia--(BUSINESS WIRE)-- The Prime Minister of Mongolia, Luvsannamsrain Oyun-Erdene, today joined Rio Tinto Chief Executive Jakob Stausholm 1.3 kilometres underground to celebrate the commencement of underground production from the Oyu Tolgoi copper mine in the Gobi Desert. This was followed by a ceremony with Oyu Tolgoi employees and leaders, Government of Mongolia representa

  • wave

Гүний уурхай

Оюу толгой нь дэлхийн хэмжээний ил уурхай, гүний уурхайн төсөл юм. Гүний уурхайд газрын гүнээс хүдрийг олборлож газрын гадаргууд зөөвөрлөн гаргах блокчлон олборлох технологи ашиглах юм.

Холбоо барих

Concentrator, Oyu Tolgoi

Оюу толгой

Монгол улс, Улаанбаатар - 14240, Сүхбаатар дүүрэг, Чингисийн өргөн чөлөө - 15, Моннис цамхаг

 

И - мейл: OT Enquiries

Утас: +(976) - (11) - 331880,